- Курилди: 820
ВССБ автокорхонаси жамоаси Наврўзни ҳар жиҳатдан муносиб кутиб олди. Ободонлаштириш ишларига эътибор кучайтирилди. Манзарали ниҳоллар ўтқазилди. Кўкмайса уруғи сепилди. Бинолар таъмирланди.
- Курилди: 589
"Патронаж ойлиги" Наманган туманида ҳам намунали ташкилланди.
Биз ойлик жараёнида туман тиббиёт бирлашмаси ҚВПлар бўйича координатори Абдувоҳид Худойбердиев ҳамроҳлигида Гулдуров қишлоқ врачлик пунктида бўлдик. Саломатлик посбонлари мудир Муҳаммаджон Обиджонов ҳузуридаги навбатдаги тезкор йиғилишга тўпланишганди. Тиббиёт ходимлари мудирдан кунлик топшириқларни олгач, дарҳол аҳоли хонадонлари сари отланишди. Чунки улар кечагидан кўпроқ ва самаралироқ натижага эришишни мақсад қилишган.
- Курилди: 636
Шифокорларимиз хизмат кўрсатадиган ҳудудда тўққизта маҳалла фуқаролар йиғини жойлашган бўлиб, 25 мингдан зиёд аҳоли яшайди. Улардан 7402 нафарини туғиш ёшидаги аёллар ташкил этади. Балоғатга етмаган болалар сони эса 6900 дан зиёд. Патронаж ҳамшираларимиз эса 19 кишидан иборат. Улар ҳар куни камида олтита хонадонга кириб, тиббий-профилактика ишларини амалга оширдилар. Камола Қўчқорова, Муяссар Содиқова, Марғуба Жўрамирзаева каби патронаж ҳамширалари намунали хизматлари билан кўпчиликнинг ҳурматига сазовор бўлдилар.
- Курилди: 617
Ҳамюртларимиз саломатлигини янада мустаҳкамлаш мақсадида ташкилланган "Патронаж ойлиги"да диспансеримиз шифокорлари ҳам сидқидил иштирок этдилар. Туманлар кўп тармоқли марказий поликлиникаларда фаолият кўрсатаётган онколог-врачлар билан ҳамкорликда қишлоқ ва маҳаллаларга бориб, аҳолининг мазкур хасталикка чалинган қатламлари орасида тиббий кўриклар ташкил этилди. Беморларни соғломлаштириш юзасидан зарур тавсия ва маслаҳатлар берилди.
Бинобарин, Учқўрғон туманидаги соғломлаштириш тадбирларимиз, айниқса, муваффақиятли кечди. Онкологик касалликларни барвақт аниқлаш ва самарали даволаш мақсадида кенг қамровли иш олиб борилди. Салкам уч юз нафарга яқин фуқаронинг дардини енгиллатиш чоралари кўрилди. Бугина эмас, аҳоли ўртасида соғлом турмуш тарғиботи, тиббий маданиятни юксалтириш масаларига оид тарғибот-ташвиқот тадбирлари ҳам амалга оширилди. Туғиш ёшидаги аёллар, ёшлар вакиллари ва кексалар билан қилган мулоқотларимиз кўпчиликда қизиқиш уйғотганлигини алоҳида таъкидлаш жоиз.
"Патронаж ойлиги" доирасидаги вазифалар ижросини таъминлаш учун диспансеримиз жамоаси астойдил ҳаракат қилди. Айниқса, онколог-врач Бахтиёр Мамарасулов, ҳамширалардан Саодат Асранбоева, Муқаддас Буматова, Гавҳар Умаровалар фаоллик кўрсатишди.
Ҳудудларда иш олиб бораётган ҳамкасбларимиз билан ҳамкорлигимиз кучайгани эса эл саломатлиги муҳофазаси борасидаги ишларимизни янги пағонага кўтариш учун асос вазифасини ўташи шубҳасиз.
Акмалжон МЎЙДИНОВ,
вилоят онкология диспансери шифокори.
- Курилди: 667
Маънавият инсон учун ҳамиша керак. Барча касб эгаларига ҳаётий эҳтиёжга айланиб бормоқда. Жумладан тиббиёт ходимлари ўртасида ҳам "Маънавият соат"ларининг изчил ўтказиш долзарб вазифа бўлиб тураверади. Наманган туман тиббиёт бирлашмасига қарашли Бешкапа қишлоқ врачлик пунктида бу борада муайян тажриба тўпланган. Вилоят соғлиқни сақлаш бошқармаси Маънавият ва маърифат Кенгаши томонидан мазкур муассасада кўргазмали семинар ташкиллашдан мақсад ана шу яхши ишларни оммалаштириш эди.
Анжуманга ҚВП мудирлари ва бошқа даволаш-профилактика муассасаларининг бош врачлари, шунингдек туман ва шаҳар тиббиёт бирлашмаларининг маънавият ишларига мутасаддилари таклиф этилдилар. Тадбирни ТТБ бош врачи Ботирали Дарвишев очиб, тумандаги, шу жумладан семинар ўтказилаётган қишлоқ врачлик пунктидаги маънавий-маърифий ишлар ҳақида қисқача маълумот берди. ВССБ Маънавият ва маърифат Кенгаши масъул котиби Абдулла Ғозиев Ўзбекистон Республикаси Президентининг 2006 йил 25 августдаги "Миллий ғоя тарғиботи ва маънавий-маърифий ишлар самарадорлигини ошириш тўғрисида"ги қарори доирасидаги тарғиботнинг муҳим йўл-йўриқлари ҳамда йўналишлари хусусида фикр юритди. ҚВПдаги диққатга лойиқ ишларга тўхталди. Ҳужжатлар юритиш, хона ва бурчакларни безатиш масалаларига батафсил тўхталди.
Сўнгра "Шифокор ва ҳаёт" газетаси муҳаррири ўринбосари Содиқ Сайҳун "Наврўз - янги кун" мавзусида намунали маънавият соати машғулотини олиб борди.
Тадбир иштирокчилари ҚВПдаги тажрибаларни зўр қизиқиш билан ўргандилар.
Шу куни бу ерда "Соғлом она ва бола йили" давлат Дастурида белгиланган вазифаларнинг қандай бажарилаётгани муҳокама этилиб, галдаги вазифалар ҳам белгилаб олинди. Бошқарманинг бош педиатри Дилфуза Болтабоеванинг маърузаси тингланди. "Патронаж ойлиги"да амалга оширилаётган ишлар ҳам сарҳисоб қилинди.
Ўз мухбиримиз.
