- Курилди: 1
Маълумки, қутлуғ шодиёна олдидан мамлакатимизда умумхалқ хайрия ҳашари ўтказилди. Унда барча юртдошларимиз қатори тиббиёт ходимлари ҳам фаоллик кўрсатдилар. Икки кун давомида вилоят соғлиқни сақлаш бошқармаси тизимидаги тиббиёт масканларида кенг миқёсда ободонлаштириш ишлари олиб борилди.
Хайрли тадбирда вилоят тери-таносил касалликлари диспансери, вилоят ОИТСга қарши кураш маркази, Наманган шаҳар тиббиёт бирлашмаси ҳамда Республика ихтисослаштирилган она ва бола саломатлиги илмий-амалий тиббиёт муассасаси вилоят филиали вакиллари айниқса сидқидилдан меҳнат қилдилар. Кўча ва майдонларни тозалаш, дов-дарахтларга ва ер майдонларига ишлов каби юмушлар уюшқоқлик билан бажарилди. Пировардида ҳудудлар янада обод ва кўркам қиёфага кирди.
