- Курилди: 876
Вилоят соғлиқни сақлаш бошқармаси тизимидаги тиббиёт муассасалари жамоалари ҳам баҳор айёми - Наврўзи оламни кенг миқёсда нишонладилар. Туманлар марказларида бўлиб ўтган тантаналарда туманлар тиббиёт бирлашмалари, қишлоқ врачлик пунктлари вакиллари иштирок этдилар. Наманган шаҳридаги Заҳириддин Муҳаммад Бобур номли маданият ва истироҳат боғида кечган оммавий сайлда эса вилоят даволаш-профилактика муассасалари ҳамда шаҳардаги шифохона ва поликлиникаларда хизмат қилаётган саломатлик посбонлари қатнашдилар.
- Курилди: 783
ВССБ автокорхонаси жамоаси Наврўзни ҳар жиҳатдан муносиб кутиб олди. Ободонлаштириш ишларига эътибор кучайтирилди. Манзарали ниҳоллар ўтқазилди. Кўкмайса уруғи сепилди. Бинолар таъмирланди.
- Курилди: 557
"Патронаж ойлиги" Наманган туманида ҳам намунали ташкилланди.
Биз ойлик жараёнида туман тиббиёт бирлашмаси ҚВПлар бўйича координатори Абдувоҳид Худойбердиев ҳамроҳлигида Гулдуров қишлоқ врачлик пунктида бўлдик. Саломатлик посбонлари мудир Муҳаммаджон Обиджонов ҳузуридаги навбатдаги тезкор йиғилишга тўпланишганди. Тиббиёт ходимлари мудирдан кунлик топшириқларни олгач, дарҳол аҳоли хонадонлари сари отланишди. Чунки улар кечагидан кўпроқ ва самаралироқ натижага эришишни мақсад қилишган.
- Курилди: 602
Шифокорларимиз хизмат кўрсатадиган ҳудудда тўққизта маҳалла фуқаролар йиғини жойлашган бўлиб, 25 мингдан зиёд аҳоли яшайди. Улардан 7402 нафарини туғиш ёшидаги аёллар ташкил этади. Балоғатга етмаган болалар сони эса 6900 дан зиёд. Патронаж ҳамшираларимиз эса 19 кишидан иборат. Улар ҳар куни камида олтита хонадонга кириб, тиббий-профилактика ишларини амалга оширдилар. Камола Қўчқорова, Муяссар Содиқова, Марғуба Жўрамирзаева каби патронаж ҳамширалари намунали хизматлари билан кўпчиликнинг ҳурматига сазовор бўлдилар.
- Курилди: 584
Ҳамюртларимиз саломатлигини янада мустаҳкамлаш мақсадида ташкилланган "Патронаж ойлиги"да диспансеримиз шифокорлари ҳам сидқидил иштирок этдилар. Туманлар кўп тармоқли марказий поликлиникаларда фаолият кўрсатаётган онколог-врачлар билан ҳамкорликда қишлоқ ва маҳаллаларга бориб, аҳолининг мазкур хасталикка чалинган қатламлари орасида тиббий кўриклар ташкил этилди. Беморларни соғломлаштириш юзасидан зарур тавсия ва маслаҳатлар берилди.
Бинобарин, Учқўрғон туманидаги соғломлаштириш тадбирларимиз, айниқса, муваффақиятли кечди. Онкологик касалликларни барвақт аниқлаш ва самарали даволаш мақсадида кенг қамровли иш олиб борилди. Салкам уч юз нафарга яқин фуқаронинг дардини енгиллатиш чоралари кўрилди. Бугина эмас, аҳоли ўртасида соғлом турмуш тарғиботи, тиббий маданиятни юксалтириш масаларига оид тарғибот-ташвиқот тадбирлари ҳам амалга оширилди. Туғиш ёшидаги аёллар, ёшлар вакиллари ва кексалар билан қилган мулоқотларимиз кўпчиликда қизиқиш уйғотганлигини алоҳида таъкидлаш жоиз.
"Патронаж ойлиги" доирасидаги вазифалар ижросини таъминлаш учун диспансеримиз жамоаси астойдил ҳаракат қилди. Айниқса, онколог-врач Бахтиёр Мамарасулов, ҳамширалардан Саодат Асранбоева, Муқаддас Буматова, Гавҳар Умаровалар фаоллик кўрсатишди.
Ҳудудларда иш олиб бораётган ҳамкасбларимиз билан ҳамкорлигимиз кучайгани эса эл саломатлиги муҳофазаси борасидаги ишларимизни янги пағонага кўтариш учун асос вазифасини ўташи шубҳасиз.
Акмалжон МЎЙДИНОВ,
вилоят онкология диспансери шифокори.
