- Курилди: 627
Маънавият инсон учун ҳамиша керак. Барча касб эгаларига ҳаётий эҳтиёжга айланиб бормоқда. Жумладан тиббиёт ходимлари ўртасида ҳам "Маънавият соат"ларининг изчил ўтказиш долзарб вазифа бўлиб тураверади. Наманган туман тиббиёт бирлашмасига қарашли Бешкапа қишлоқ врачлик пунктида бу борада муайян тажриба тўпланган. Вилоят соғлиқни сақлаш бошқармаси Маънавият ва маърифат Кенгаши томонидан мазкур муассасада кўргазмали семинар ташкиллашдан мақсад ана шу яхши ишларни оммалаштириш эди.
Анжуманга ҚВП мудирлари ва бошқа даволаш-профилактика муассасаларининг бош врачлари, шунингдек туман ва шаҳар тиббиёт бирлашмаларининг маънавият ишларига мутасаддилари таклиф этилдилар. Тадбирни ТТБ бош врачи Ботирали Дарвишев очиб, тумандаги, шу жумладан семинар ўтказилаётган қишлоқ врачлик пунктидаги маънавий-маърифий ишлар ҳақида қисқача маълумот берди. ВССБ Маънавият ва маърифат Кенгаши масъул котиби Абдулла Ғозиев Ўзбекистон Республикаси Президентининг 2006 йил 25 августдаги "Миллий ғоя тарғиботи ва маънавий-маърифий ишлар самарадорлигини ошириш тўғрисида"ги қарори доирасидаги тарғиботнинг муҳим йўл-йўриқлари ҳамда йўналишлари хусусида фикр юритди. ҚВПдаги диққатга лойиқ ишларга тўхталди. Ҳужжатлар юритиш, хона ва бурчакларни безатиш масалаларига батафсил тўхталди.
Сўнгра "Шифокор ва ҳаёт" газетаси муҳаррири ўринбосари Содиқ Сайҳун "Наврўз - янги кун" мавзусида намунали маънавият соати машғулотини олиб борди.
Тадбир иштирокчилари ҚВПдаги тажрибаларни зўр қизиқиш билан ўргандилар.
Шу куни бу ерда "Соғлом она ва бола йили" давлат Дастурида белгиланган вазифаларнинг қандай бажарилаётгани муҳокама этилиб, галдаги вазифалар ҳам белгилаб олинди. Бошқарманинг бош педиатри Дилфуза Болтабоеванинг маърузаси тингланди. "Патронаж ойлиги"да амалга оширилаётган ишлар ҳам сарҳисоб қилинди.
Ўз мухбиримиз.
- Курилди: 634
7 АПРЕЛЬ - БУТУНЖАҲОН САЛОМАТЛИК КУНИ
Жаҳон соғлиқни сақлаш ташкилоти 2016 йилги Бутунжаҳон саломатлик кунини диабетга қарши курашишга бағишлашга қарор қилган. Бу бежиз эмас. Дунёда қандли диабетга дучор бўлган ҳар икки инсондан бири ўзининг бу хасталикка чалинаётганини билмай қолади. Шу боис, аҳоли ўртасида соғлом турмуш тарзи тарғиботи ғоят муҳим. Инсон ўзини ўзи назорат қилиш кўникмасини ўзлаштириш билангина диабетнинг ривожланишига чек қўйиб тура олади. Энг аввало, беморнинг ўзи ҳақида кўпроқ қайғуриши, врач кўригидан вақти-вақти билан ўтиб, маслаҳати асосида ҳаёт кечириши шарт. Ихтисослашган муассасаларда, яъни эндокринология диспансерларидаги "Диабетлар мактаби"дан тўла сабоқ олиш имкониятлари яратиб қўйилган.
- Курилди: 828
"Бешкапа" болалар сиҳатгоҳида "Спорт - соғлик гарови" шиори остида аёллар ўртасида спартакиада уюштирилди. Унинг ташкилотчиси "Миллий тикланиш" демократик партияси бўлди. Тадбирни бош врач Муҳаммадниёз Эргашбоев очди ва иштирокчиларга омадлар тилади. Волейбол, шашка, стол тенниси, югуриш мусобақаларида педагог-тарбиячилар, ҳамширалар, ошхона ва хўжалик ходимлари ҳамда бўлим бекаларидан иборат жамоалар куч синашдилар.
- Курилди: 713
Чуст туман тиббиёт бирлашмасига қарашли юқумли касалликлар шифохонасининг ходимлари Наврўзи оламни қўшалоқ айём руҳида уйғунлаштириб нишонладилар. Бўлим бошлиғи Ф. Абдуллаев, фельдшер С. Темировлар ташкилотчилигида шодиёна янада файзли ўтди. Байрам кунида муассасанинг Х. Рустамова, М. Имомова, Л. Файзиева, М. Хушназарова, К. Эшматова, Г. Ҳайдарова, Р. Ўролова, З. Мўминова ва Р. Юсупова сингари 9 нафар ходимлари иззат-икром билан нафақага кузатилдилар.
Тадбирда Чуст ТТБ бошлиғи О.Қосимов, бирлашма тиббиёт ходимлари касаба уюшмаси қўмитаси раиси М. Ҳакимовалар нафақага кузатилган ва ишда илғор ходимларга эсдалик совғалари топширдилар.
Хуршидбек УМАРАЛИЕВ,
Чуст тумани.
- Курилди: 951
Рубобингни чалгин, созанда Наврўз,
Рақсга тушсин қорақош каклик.
Қаҳратон қаҳрию, бўрон шаштин буз,
Гул фасли бу - хандон кулайлик!..
Робиддин ИСҲОҚОВ.
Ижтимоий-иқтисодий, маънавий-маърифий тараққиёт давомида келиб чиқиши, мазмун-моҳияти ва ижтимоий ҳаётда қарор топишига биноан анъанавий, диний, миллий ва бошқа байрамлар шаклланган. Уларнинг қадимги аждодлардан келгуси авлодларга маънавий мерос тариқасида ўтиб келадиганлари анъанавий байрамлар ҳисобланади.
