- Курилди: 361
Мана, бир неча йилдирки, Бутунжаҳон нейрохирурглар жамияти ривожланаётган давлатларнинг нейрохирурглари учун ўқиш дастурларини жорий этган. Дастурнинг асосий мақсади тиббиётнинг замонавий даво усулларини шу мамлакатларнинг мутахассисларига ўргатишдан иборатдир. Республика шошилинч тиббий ёрдам илмий маркази вилоят филиали нейрохирурги Сайдулло Шарифбоев Япониянинг "Tokyo Womens Medical University Medical East" клиникасида малака ошириш учун грант соҳиби бўлиб, юқоридаги дастур асосида ўқиб қайтди.
- Курилди: 310
Чунки у нажоткорлиги билан
беморларнинг ихлосига кирган
Гап ким ҳақида кетаётгани сизни қизиқтираётган бўлса, шошилмай, аввал ўзини эмас, иш жойини таништирамиз. Вилоят кўп тармоқли тиббиёт марказининг дарвозасидан киришингиздаёқ чап томондаги бино эътиборингизни тортади. Ахир қачон қараманг, тўхтовсиз кириб-чиқаётган одамларга кўзингиз тушади. Бу ўзига хос поликлиника, аниқроғи консультатив-диагностика бўлими. Эрталаб унинг иккинчи қаватига кўтарилиб, 23-хона рўпарасига ўтсангиз, навбатга қараб ўтиришган хотин-қизлар бошқа хоналарнинг олдиларидагига қараганда анча кўп эканлигини пайқашингиз қийин эмас. Қизиғи, деярли ҳеч ким асабийлашмайди, хотиржам кутади, тартибни бузмайди. Боиси, ичкарида чинакам халоскор мутахассисдан муолажа маслаҳатлари, аниқ йўл-йўриқлар олишларини яхши билишади. Ортиқча ушлаб туриш одати бегоналигини, кирганга қисқа савол берганига яраша, қисқа жавоб кутиши барчага аён. Врач бутун ташвишини унутиб, (ҳатто уяли телефонини ўчириб қўйиб) ўй-фикрини беморнинг дардига аниқ ташхис қўйишга жамлайди. Ёзадиганини тез-тез ёзади, гапирадиганини аниқ-аниқ гапиради. Бирор онни, бирор лаҳзани беҳуда бой бермайди. У эшик ортида беморлар интиқ ўтирганини хаёлидан қочирмайди. Ёнидаги дастёри- ҳамшира аёл ҳам унинг нима демоқчилигининг ҳали оғиз очмаёқ қарашларидан фаҳмлаши эса, врачнинг қабули ғоят батартиб, ғоят самарали кечишига кўмаклашади.
- Курилди: 472
Наманганда Республика ихтисослаштирилган эндокринология илмий-амалий тиббиёт маркази ва вилоят соғлиқни сақлаш бошқармаси ҳамкорлигида ташкил этилган, хорижлик мутахассислар иштирокидаги "Фарғона водийсида гастроэнтерология ҳафталиги-2017" номли биринчи минтақавий илмий-амалий анжумани бошланди. Мазкур конференция "Жигар ва ошқозон ости бези хавфли ҳамда хавфли бўлмаган ўсмаларини аниқлаш ва жарроҳлик йўли билан даволашнинг долзарб масалалари"га бағишланган.
- Курилди: 387
Конституциянинг VIII боби фуқароларнинг "Сиёсий ҳуқуқлар"ини ўз ичига олган. "Ўзбекистон Республикасининг фуқаролари жамият ва давлат ишларини бошқаришда бевосита ҳамда ўз вакиллари орқали иштирок этиш ҳуқуқига эгадирлар. Бундай иштирок этиш ўзини-ўзи бошқариш, референдумлар ўтказиш ва давлат органларини демократик тарзда ташкил этиш, шунингдек, давлат органларининг фаолияти устидан жамоатчилик назоратини ривожлантириш ва такомиллаштириш йўли билан амалга оширилади...". Биз яхши биламизки, бу борада кейинги йилларда бир неча янги қонунлар яратилдики, уларнинг барчаси Конституциянинг юқоридаги 32-моддасига ҳамоҳангдир.
- Курилди: 633
Наманган вилоятида аҳолига кўрсатилаётган шошилинч тиббий хизматни давр талаблари асосида ривожлантириш чоралари кўрилмоқда. Куни кеча соҳа автотранспорт парки Жанубий Кореяда ишлаб чиқарилган 10 та HYUNDAI реанимобиллари билан бойитилди.
