Андижон шаҳридаги "Ҳамкор" бизнес марказида Ўзбекистон мустақил босма оммавий ахборот воситалари ва ахборот агентликларини қўллаб-қувватлаш ва ривожлантириш жамоат фонди томонидан Андижон, Фарғона ва Наманган вилоятларининг журналистлари учун семинар-тренинг ташкилланди.

Вилоят кўп тармоқли тиббиёт марказида ташкилланган бу галги семинар "Қрим-Конго геморрогик иситма касаллигининг олдини олиш, келиб чиқиш сабабларини ўрганиш ва оқибатларини бартараф этиш"га бағишланди.

"Наврўз" айёми арафасида вилоятимизда "Ҳар бир ўқувчи ва талаба эътиборда" саломатлик акцияси ташкилланди. Унинг дастлабки тадбири Наманган шаҳридаги қурилиш ва дизайн коллежида бошланди. Эрталабдан ҳунар ва билим маскани оқ халатли меҳмонлар билан янада файзга тўлди.

Ўзбекистон Республикаси Президентининг виртуал қабулхонасига халқимиз томонидан тушаётган мурожаатлар қонуний ва адолатли ҳал этилаётгани ҳамюртларимизни ҳам бениҳоя қувонтирмоқда. "Ассалому алайкум, ҳурматли Президентимиз Шавкат Миромонович Мирзиёев, деб ёзибди Уйчи тумани Ровот шаҳарчаси Зиёкор маҳалласида яшовчи Мўътабар Райимовна Зиямова- Менинг ушбу мурожаатномам муаммо ҳақида эмас, балки Сизга миннатдорчилигимни изҳорлашдан иборатдир. Биздек инсонларнинг дардини тушунганингиз, "Дамас" машинамизни қайтариб берилишига катта ёрдам кўрсатганлигингиз учун беҳад миннатдормиз".

Вилоят ҳокимлигининг катта мажлислар залида халқ депутатлари вилоят Кенгашининг навбатдан ташқари ўн тўққизинчи сессияси бўлиб ўтди. Унга Ўзбекис­тон Республикаси Олий Мажлиси Сенати аъзолари, вилоят ҳокимининг ўринбосарлари, комплекс, гуруҳ ва котибият раҳбарлари, вилоят ҳуқуқни муҳофаза қилувчи органлари ва вилоят соғлиқни сақлаш бошқармаси тизимидаги муассасалар раҳбарлари, оммавий ахборот воситалари вакиллари таклиф этилди.