Вилоят соғлиқни сақлаш бошқармаси бошлиғи, Ўзбекистон Республикаси Олий Мажлиси Сенати аъзоси Солижон Мўминов вилоят силга қарши кураш сиҳатгоҳи ва Психофизик ривожланиши бузилган болаларга ихтисослашган типдаги болалар уйига ташриф буюрди. Мазкур муассасаларда даволанаётган ва парваришланаётган кичкинтойларни халқаро сана билан қутлади ҳамда уларга совғалар топширди.

Байрам муносабати билан ташкил этилган концерт дастурларида 1-мусиқа мактаби тарбияланувчилари ўз иқтидорларини намоён этдилар. Қўшиқ ва рақсларда жонажон диёримиз, элпарвар ва меҳнатсевар  халқимиз куйланди. Келажагимиз ворислари шодиёна боис қувнаб-яйрадилар, саховатпеша инсонларнинг эътибору эъзозидан баҳраманд бўлдилар.