Жанубий Корея давлати "Dentium" компаниясининг Ўзбекис­тондаги диллери Рустам Маҳкамов, терапевт мутахассиси Улуғбек Юсуповлар АҚШ, Франция, Германия, Хитой ва бошқа хорижий мамлакатларда бўлишиб, ўрганган янгиликларни сўзлаб бердилар. Сўнгра кўргазмали машғулотлар олиб борилди. Мутахассислар слайд орқали замонавий энзомотор, Алекс лакатор, рентген ва рақамли рентген аппаратлар, радиовизиографларнинг кўрсатиб, ишлатиш усуллари билан таништирдилар. Гель ва турли қотирмалар, имплантация усулида тишларни ўрнатиш бўйича батафсил маълумот бердилар. Қандай қулайликларга эга эканлигини тушунтиришди.

- Наманганлик тиш шифокорлари ўз соҳаларига оид янгилигу илғор тажрибаларни муттасил ўрганиб келишади, - дейди У.Юсупов.

- Компаниямиз билан доимо алоқа ўрнатилган. Касб маҳоратларини мукаммаллаштириш учун пойтахтга ҳам кўпчилик бориб, устозлар сабоғидан баҳраманд бўлаётир. Бу вилоятда стоматология хизмати тобора яхшиланиб боришида муҳим аҳамиятга  эгадир.

Рустамали Мамадалиев.