РШТЁИМ Наманган филиали қон томир жарроҳлиги бўлимининг юқори малакали мутахассислари энг замонавий техноло­гиялар асосида беморларнинг ҳаётини сақлаб қолиш ва уларни соғлом ҳаёт тарзига қайтариш учун тинмай изланмоқдалар. Яқиндагина филиал мутахассислари марказ вакиллари ҳамкорлигида бажарган нав­батдаги юқори технологик жарроҳлик амалиётлари кўплаб беморлар умрига умр қўшди.

Бўлимда ўтказилаётган инновацион операциялар юрак-қон томир касалликларидан азият чекаётганлар учун чинакам нажот манзилига айланиб бормоқда. Бу ердаги юқори технологиялар, малакали мутахассислар ва беморларга бўлган ғамхўрлик уларнинг тезроқ ва самарали даволанишини таъминламоқда.