Ҳозирги даврда жамият олдида турган энг муҳим ижтимоий муаммолардан бири бу – гиёҳвандлик муаммоси. Статистик маълумотларга қараганда, гиёҳванд моддаларни илк бор синаб кўрганлар орасида 16-25 ёшдагилар устунлик қилади. Ёшлар орасида психотроп воситаларга қизиқиш ортиб бораётганлиги, онгли қарор қабул қилишдаги сустлик бу иллатнинг тез тарқалишига замин яратмоқда.

Мамлакатимизда гиёҳвандликка қарши кураш давлат сиёсатининг устувор йўналишига айлантирилган. Бу борада Ўзбекистон Республикаси Вазирлар Маҳкамасининг 2020 йил 30 октябрдаги 690-сонли қарори билан тасдиқланган "2020-2025 йилларда Ўзбекистон Республикасида гиёҳванд моддаларнинг ноқонуний айланишига ва уларнинг суиистеъмол қилинишига қарши курашиш стратегияси" асосий дастурий ҳужжат ҳисобланади.

Гиёҳвандликка қарши курашда куч ишлатиш ёки жазолаш етарли эмас. Муаммонинг илдизи – онг ва қалбдадир. Шу сабабли Ўзбекистонда бу курашнинг асосий тамойилларидан бири – маънавий-маърифий иммунитетни шакллантиришдан иборат.

Маликахон ДЕҲҚОНОВА,

Республика ихтисослаштирилган руҳий саломатлик илмий-амалий тиббиёт

марказининг наркология хизмати

бўйича Наманган вилояти филиали ҳамшираси.