Наманган вилояти мусиқали драма театрида долзарб мавзулардан бирига бағишланган "Муқаддас қасам" номли спектакль саҳналаштирилмоқда.

Асарда тиббиёт муассасаларидан биридаги покдил шифокорларнинг фидойиликлари ҳамда муқаддас қасамни унутиб, бойликка хирс қўйган, коррупция ботқоғига ботган нопок ходимлар кирдикорлари гавдалантирилади.

Истеъдодли режиссёр Шуҳратжон Абдуллаев саҳналаштираётган мазкур асардаги бош қаҳрамонлар ролини таниқли актёрлар – Маъруфжон Ниёзов, Нуриддин Ис­моилов, Райҳона Назарова, шунингдек, Ўзбекистонда хизмат кўрсатган артист Меҳрихон Абдулла­ева, "Шуҳрат" медали соҳибаси Дилфуза Қодирова ижро этмоқдалар. Айни вақтда пьеса диалогларини ёдлаш ва образли ифода этиш жараёни ниҳоясига етиб, саҳна репетициялари бошланди.

Театр жамоаси асарни тез кунда томошабинлар эътиборига ҳавола қилиш ниятида.