Тўрақўрғон туманида "Аҳоли ўртасида Қрим-конго геморрагик иситма касаллиги тарқалишининг олдини олишда фавқулодда вазиятлар давлат қуйи тизим хизматларининг ҳамкорликдаги ҳаракатлари" мавзусида махсус-тактик ўқув машқи ўтказилди.

Дастлаб, ўқув машқининг назарий қисмида ўта хавфли юқумли хасталиклар билан боғлиқ фавқулодда вазиятларнинг олдини олиш ва касаллик аниқланганда амалга оширилиши лозим бўлган ишлар юзасидан мутахассислар томонидан маърузалар қилинди.

Амалий қисмда Қрим-конго геморрогик иситма касаллиги тўғрисида иштирокчиларга маълумот бериб, шартли беморни ташкил этилган госпиталда қабул қилиш қоидалари амалий тарзда кўрсатилди.