Хотин-қизларнинг саломатлигини муҳофаза қилиш ва уларга тиббий ёрдам кўрсатиш мақсадида O'zLiDeP вилоят Кенгаши томонидан Наманган шаҳридаги Гузар маҳалласида жойлашган 17-оилавий поликлиникада "Бир депутат – юз аёлга кўмакчи" лойиҳаси доирасида кенг кўламли тиббий кўрик ташкил этилди.
Хотин-қизларга тиббий хизматдан кенг фойдаланиш имкониятларини яратиш ва ижтимоий ҳимояни кучайтириш кўзланган мазкур лойиҳа "Темир дафтар" ва "Аёллар дафтари" рўйхатларидаги опа-сингилларимиз саломатлигига жамоатчилик эътиборини оширганлиги билан ҳам муҳим аҳамият касб этди. Тадбирда аёлларга онкологик, эндокринологик, юрак-қон томир касалликларининг олдини олиш, қон босимига чалинмаслик, соғлом турмуш тарзи, тўғри овқатланиш мақсад-моҳияти атрофлича тушунтирилди. Хасталик аломатлари аниқланганларга зарур дори-дармонлар берилди ва даволанишга муҳтожлар стационар, амбулатор муолажага йўналтирилди.
Бу ташаббус O'zLiDeP партиясининг хотин-қизларни қўллаб-қувватлаш, ижтимоий фаолликларини ошириш, соғлом ҳаёт кечиришларига кўмаклашиш борасидаги изчил ҳаракатларидан биридир. Мақсад ҳар бир депутат ўз ҳудудидаги камида 100 нафар хотин-қизга амалий ёрдам кўрсатишига эришиш.
O'zLiDeP Наманган вилояти Кенгаши
Матбуот хизмати.
