Байрам арафасида Республика шошилинч тиббий ёрдам илмий маркази Наманган филиали катта мажлислар залида тантанали маросим ўтказилди. 8 март – Халқаро хотин-қизлар куни муносабати билан ташкилланган тадбирга вилоятимиз тиббиёти тизимида хизмат қилаётган IТ-ҳамширалар ва соҳа фаоллари таклиф этилдилар.
Дастлаб Ўзбекистон Республикаси Соғлиқни сақлаш вазирининг тегишли буйруғи билан тақдирланган тизим илғорларига мукофотлар тантанали равишда топширилди. Жумладан, вилоят руҳий асаб касалликлари шифохонаси кичик тиббий ходими Роҳила Акбарова "Соғлиқни сақлаш аълочиси" кўкрак нишони, РШТЁИМ Наманган филиали қабулхона ҳамшираси Нодира Жўраева ва Норин туманидаги 16-оилавий поликлиника патронаж ҳамшираси Саломат Тошбоевалар эса вазирликнинг Ташаккурномасига сазовор бўлдилар.
Байрам муносабати билан Наманган шаҳар ва туманлар ҳамда вилоят даволаш-профилактика муассасаларида фаолият олиб бораётган бир гуруҳ илғор IТ-ҳамширалар ҳам рағбатлантирилди.
Соғлиқни сақлаш вазири ўринбосари Олим Омонов ва вилоят соғлиқни сақлаш бошқармаси бошлиғи Абдулҳоди Иминовлар тадбир қатнашчиларини байрам билан қутладилар. Уларга эл соғлиғини мустаҳкамлаш, фаолиятга янги ахборот технологияларини тадбиқ этишда омадлар тиладилар.
