16 ёшли бемор шифохонага иккала кўзда кўриш пастлиги, бош оғриши, ўнг кўзнинг ташқарига бўртиб чиқиб қолиши (экзофтальм), бўйи ўсмай қолиши, ҳолсизлик, иштаҳаси пастлиги туфайли ётқизилган эди. У бир неча ой давомида нейроэндокринологлар назоратида турган. Беш ой турли дори-дармонларни қабул қилган. Ниҳоят сўнгги ҳаракат кутилган натижа берди.

"Гипофиз бези макроаденомаси супраселяр, латероселляр, инфраселляр ва ўнг кўз орбитасига ўсиб кириши" ташхиси қўйилган беморда симультант тарзда иккита юқори технологик операция ўтказилди. Дастлаб Трансназал нейроэндоскопик усулда гипофиз бези макроаденомаси олинди. Кейин эса нейроэндоскоп ассистентлигида ўнг кўз орбитасига кирган ҳажмий жараён бартараф этилди.

Янги амалиётни ривожланган давлатларда малакасини ошириб келган интилувчан нейрожарроҳ Сайдулло Шарифбоев муваффақиятли бажаришга эришди.