Бош офиси Истанбул шаҳрида жойлашган "MEMORIAL" клиникалар тармоғи икки давлат тиббиётчилари ҳамкорлигини янада ривожлантиришга муносиб ҳисса қўшмоқда. Мазкур тузилманинг Бахчали элвар шаҳридаги тиббий маркази профессорлари, тиббиёт фанлари докторлари – онколог Мурат Аккуш ва уролог Мавлит Куркмас вилоят болалар кўп тармоқли тиббиёт марказига таклиф этилди. Онкологик ва урологик жарроҳлик бўйича ТОП-10 таркибига кирувчи олим-шифокорлар наманганлик касбдошларига Туркияда ўтказилган жарроҳлик амалиётлари тасвирлари асосида замонавий юқори технологияли операцияларни амалга ошириш сир-асрорларини тушунтириб бердилар.

Маҳорат дарслари доирасида марказда даволанаётган болаларнинг тиббий ҳолати ўрганилди ва самарали даво муолажалари белгилаш бўйича тажрибалар алмашилди.

М. ОБИЛОВ.