Кейинги йилларда аҳоли орасида тери-таносил касалликларининг кўп учраётгани соҳа мутахассислари зиммасига ғоят катта масъулият юкламоқда. Малакали мутахассислар маслаҳатини олиши лозим бўлган беморларга қулайлик яратиш мақсадида Республика ихтисослаштирилган дерматовенерология ва косметология илмий-амалий тиббиёт маркази мутахассислари Наманганга ташриф буюришди.

Ҳудудий филиалда Республика Соғлиқни сақлаш вазирлигининг бош дерматовенерологи, РИДВваКИАТМнинг етакчи илмий ходими, тиббиёт фанлари доктори, профессор А. Б. Раҳматов "Сурункали дерматозларда физиотерапевтик даво муолажаларига замонавий ёндашув" ҳамда "Пиодермия: патогенези, классификацияси, клиникаси, диагностикаси ва замонавий даволаш усуллари" мавзусида семинар-маҳорат дарси ўтказди. Тадбир жараёнида кам учрайдиган, антипик кечувчи ва даволашда ижобий самара кузатилмаётган беморларнинг кўриги ташкил қилинди. Наманганлик ҳамкасблар жараённи кузатиб, бундан керакли сабоқлар олишди.