Наманган давлат педагогика институти мажлислар залида бобурхонлик тадбири бўлиб ўтди. Атоқли давлат арбоби ва саркарда Заҳириддин Муҳаммад Бобур таваллудининг 542 йиллигига бағишлаб, вилоят ҳокимлиги ва Ахсикент халқаро илмий-тадқиқот жамоат бирлашмаси ҳамкорлигида ташкилланган анжуманда адабиётшунос олимлар, ижод аҳллари, маънавият тарғиботчилари, жамоатчилик вакиллари ва тиббиётчилар иштирок этишди.
Тадбирда Наманган давлат педогогика институти ректори Баҳодир Ҳусанов, профессор Мирмаҳмуд Мирсайдуллаев, филология фанлари доктори, профессор Неъматилла Отажонов, тарих фанлари номзоди, доцент Тоҳиржон Қозоқов, Турон Фанлар академияси вице-президенти Соҳибахон Аъзамоваларнинг маърузалари тингланди.
Анжуман ниҳоясида бир гуруҳ фаоллар тақдирланди. Бобур ғазаллари билан яратилган қўшиқлар ижро этилди. Буюк аждодимиз ва тарихимизга оид янги адабиётлар тарқатилди.
