Давлатобод тумани КТМПга қарашли тиббиёт бригадалари ҳамширалари ана шу шиор остида аҳоли билан биргаликда яёв юрдилар.

Туман кўп тармоқли марказий поликлиникасида жума – "Пиёда юриш куни" деб белгиланган. Шу муносабат билан муассаса катта патронаж ҳамшираси Фароғат Тожибоева бошчилигидаги бригада ҳамширалари "Янги тонг" МФЙга қарашли хонадонларда тарғибот ишларини олиб бордилар. Ҳамширалар кўчама-кўча, хонадонма-хонадон юриб "Соғлом бўлай , узоқ-умр кўрай десангиз, пиёда юринг" дея юришнинг инсон саломатлигига фойдали жиҳатлари ҳақида зарур маълумотлар бердилар. Улар аҳоли вакиллари билан биргаликда юриш машқларини бажардилар.

Шунингдек, ўрта тиббиёт ходимлари соғлигида муаммоси бор, эҳтиёжманд ва ётиб қолган беморлар ҳолидан ҳам хабар олиб, уларга керакли ёрдам кўрсатдилар.

Манзура ЭРГАШЕВА.