Наманган шаҳрининг Бобуршоҳ кўчасида, "Қадамжо" МФЙ ҳудудида узоқ вақтдан буён қаровсиз турган бино таъмирланиб, 200 ўринли "Boburshoh Medical Center" саломатлик маркази ташкил этилди.
Ушбу муассасага тадбиркорлар ҳисобидан 10 миллиард, банк кредити ҳисобидан 15 миллиард, жами 25 миллиард сўм маблағ сарфланди. Марказда 60 та янги иш ўрни яратилди. Бу ерда шифобахш маъданли сув ёрдамида саломатликни тиклаш учун барча шароитлар яратилди.
Янги тиббий муассасанинг очилиши қўшалоқ байрам тусини олди. Тадбирда вилоят секторлари раҳбарлари, нуронийлар, жамоатчилик вакиллари иштирок этдилар.
Наманган вилояти ҳокими Шавкатжон Абдураззоқов табрик сўзида тиббиёт туризмига қаратилаётган эътибор ҳақида тўхталиб, янги муассаса айни йўналишда муҳим қадам бўлганини таъкидлади.
Рамзий лента қирқилгач, йиғилганлар яратилган шароитлар билан танишдилар.
Маълумот учун: ушбу ҳудуддан 1991 йил 2200 метр чуқурликдан Қ52 даража иссиқликдаги шифобахш маъданли сув чиқарилган.
Наманган вилояти ҳокимлиги
Ахборот хизмати.
