Ўзбекистон Республикаси Конституцияси қабул қилинганлигининг 32 йиллиги муносабати билан Наманган тумани тиббиёт бирлашмаси ходимлари ўртасида "Спорт – саломатлик гарови" шиори остида волейбол, шаҳмат, шашка ва стол тенниси бўйича спартакиада ташкилланди. Беллашувлар спорт мактаби ва 22-ўрта умумтаълим мактаби залларида ўтказилди. Ғолиблар ва иштирокчилар тиббиёт бирлашмаси касаба уюшма қўмитасининг диплом ҳамда эсдалик совғалари билан тақдирланди.
Мазкур санага бағишланган тантанали маросимда бирлашма бошлиғи Д. Қодиров, туман адлия бўлими мутахассиси Б. Тўрабоев, тиббиёт бирлашмаси маънавий-маърифий ишлар мутахассиси С. Иброҳимовлар барчани байрам билан муборакбод этиб, Бош қомусимиз мазмун-моҳияти ҳақида сўз юритдилар. Анжуман қатнашчилари юксак савияда ташкилланган маънавий-маърифий, спорт-кўнгилочар тадбирларидан бой таассурот олганликларини таъкидлаб, ташкилотчиларга миннатдорчилик изҳор этдилар.
