Хабарингиз бор, вилоятимиз бўйлаб "Маданият карвони" шунингдек, "Маънавият фестивали" доирасида кўплаб маданий-маърифий тадбирлар ўтказилмоқда. Энг қувонарлиси шуки, бу йилги фестиваль чин маънода халқимиз орасида энг қуйи поғонадан бошлаб ташкил этилмоқда. Ана шундай тадбирлардан яна бири Давлатобод тумани "Ирвадон" МФЙда жойлашган вилоят болалар кўп тармоқли тиббиёт марказида бўлди. Унда, халқимизнинг севимли актёр ва хонандалари бемор болалар, уларнинг оила аъзолари учун самимий тилаклар билдириб, ўз санъат намуналари билан кўнгилларга шодлик улашдилар.

Давлатобод тумани ҳокимлиги ахборот хизмати.