Наманган шаҳридаги "Афсоналар водийси" тематик боғида вилоят соғлиқни сақлаш бошқармаси бошлиғи Абдулҳоди Иминов, Аҳолининг соғлом турмуш тарзини қўллаб-қувватлаш ва жисмоний фаоллигини ошириш маркази директори Барно Одиловалар бошчилигида "7 апрель - Бутунжаҳон саломатлик куни"га бағишланган "Соғлом ҳаёт учун 5000 қадам!" шиори остида тадбир бўлиб ўтди.
Саломатлик тадбирда соғлом овқатланиш ярмаркалари, саломатлик майдончалари, "Биз тамакисиз ҳудудни танлаймиз" ҳамда "Шахсий гигиена" станциялари ташкил этилиб, унда вилоятдаги даволаш-профилактика муассасаларидан 300 нафардан ортиқ тиббиёт ходимлари ва 200 нафардан зиёд аҳоли вакиллари иштирок этди.
