Унда шифохона бош врачи, тиббиёт фанлари номзоди Дилфуза Каримова, Наманган шаҳар тиббиёт бирлашмаси бошлиғи ўринбосари Раҳматулло Тўрахонов, бирлашма бош акушер-гинекологи Зарифа Қосимовалар сўзга чиқишиб, жажжиларни ва уларнинг ота-оналарини байрам билан чин дилдан, самимий қутладилар. Шаҳардаги 25-мактаб ўқувчиси Адҳамжон Ортиқбоев эса шифокорларга ёзган шеъридан ўқиб берди.
Тадбир давомида 1, 2, 9, 10-оила поликлиникалари бош врачлари Нигора Жўраева, Мушарраф Собирова, Нуриддин Юнусов, Муроджон Ибрагимовларнинг улашган турли ширинлик ва ўйинчоқлари мурғак қалблар кўнглини янада яйратиб юборди.
- Болажонлар шодлигига нафақат ота-оналари, биз бобою-бувилари шерик бўлдик, - дейди Бодомхон Турғунова. - Тиббиёт ходимларию, шундай гўзал кеча ташкилотчиларидан миннатдормиз. Илойим юртимиз тинч, осмонимиз мусаффо, болаларимиз соғлом бўлишсин.
Алишер Навоий номли вилоят мусиқали драма ва комедия театри хонандалари эса ўзларининг беғубор болалик, она-ватанга муҳаббат ҳақидаги тароналари билан дилларни хушнуд этишди.
Манзура ЭРГАШЕВА.
