Халқаро сана муносабати билан Чуст тумани ҳокимлигида ногиронлиги бўлган шахслар ҳамда кўмакка муҳтож якка-ёлғизлар учун адабий-мусиқали байрам тадбири ташкилланди.
Тантанали маросимни туман ҳокимининг ўринбосари Жамшид Баҳодиров табрик нутқи билан очди. Туман ҳокимининг ўринбосари, туман хотин - қизлар қўмитаси раиси Дилфуза Ўринова, туман тиббий-ижтимоий хизматлар шўъбаси бошлиғи Алишер Рўзимбоев ва бошқалар ҳам йиғилганларни байрамлари билан чин дилдан самимий қутлашди.
Шундан сўнг вилоят тиббий-ижтимоий хизматлар бўлими мутахассислари - Севара Ғозиева ва Дилшод Расуловлар туманда йилнинг "Энг яхши ижтимоий ходими" эътирофига сазовор бўлган Нодира Мусахоновага Фахрий ёрлиқ ва эсдалик совғаларини топширишди.
Тадбирда Муҳибжон Раҳимов билан Маъмутали Ахмедовларга ногиронлар аравачаси берилди. Шунингдек, кийим-кечак, рўзғор анжомлари, қўлтиқтаёқ, ҳасса, ходунок, эшитиш аппаратларининг ҳам тарқатилганлиги кўнгли кемтик инсонларни янада ҳушнуд этди.
Ўз мухбиримиз.
