"Ватан - муқаддас, уни ҳимоя қилиш шарафли бурчдир!" шиори остида ўтказилаётган Ватанпарварлик ойлиги доирасида Наманган шаҳридаги Ёшлар боғида ташкил этилган Ватанпарварлик фестивали катта шодиёнага айланди.
Фестивалда намойиш этилган замонавий қурол-аслаҳа ва ҳарбий техника кўргазмаси, ҳарбий таъминот масалалари, шунингдек, ҳарбий оркестр, ҳарбий хизматчиларнинг қурол билан сафда юриш ҳамда қўл жанги элементлари чиқишлари кўп минг сонли аҳолида, айниқса, ёшларда катта таассурот қолдирди.
Махсус концерт дастури фестивалга янада шукуҳ бағишлади.
