Чустдаги маданият ва истироҳат боғида ҳам "Саломатликни тарғибот қилиш кунлари" доирасидаги тадбирлар ғоят кўтаринки руҳда ўтказилди. Унда аҳолининг кенг қатламлари қамраб олинди.
Жамият саломатлиги ва соғлиқни сақлашни ташкил этиш илмий-тадқиқот институти Наманган вилоят ҳудудий бўлинмаси томонидан ташкилланган саломатлик бурчакларида тиббий маданиятни ошириш юзасидан тушунтириш-тарғибот ишлари олиб борилди. 11 хил турдаги видеороликлар катта экранли проектор ва телевизорларда намойиш қилинди. Шунингдек, соғлом турмуш тарзи, соғлом овқатланиш, одам савдоси, гиёҳвандликка қарши кураш, жисмоний фаоллик ҳамда шахсий гигиена бўйича 17 хил турдаги 6000 дан зиёд буклетлар тарқатилди, керакли тавсиялар берилди.
