Наманган шаҳар ҳудудий қуйи тизимлари билан "Бошқарув органлари, ФВДТ ҳудудий ва функционал қуйи тизимларининг табиий хусусиятли фавқулодда вазиятлар оқибатларини бартараф этиш бўйича ҳаракати" мавзусида қўмондонлик-қароргоҳ ўқув машқлари ўтказилди.

Наманган шаҳар "Отчопар" мажмуасида шаҳар ҳокимининг йиғма механизациялашган отряди, шаҳар тиббиёт бирлашмасининг биринчи тиббий ёрдам отрядининг саф кўриги "юқори оператив фаоллик" билан уюштирилди. Сўнгра тактик ўқув  машқлари бажарилди.

Наманган шаҳар ҳокимлиги мажлислар залида қўмондонлик-қароргоҳ ўқув-машқларининг якуни бўйича кенгайтирилган йиғилиш бўлиб ўтди. Унда вилоят фавқулодда вазиятлар бошқармаси бошлиғининг ўринбосари, подполковник Ғ. Исмаилов ва шаҳар ҳокими Ш. Абдураззоқовлар ютуқлар ва келгусида бажарилиши лозим бўлган вазифалар хусусида маърузалар қилишди. Тадбир фаолларига миннатдорлик билдирилди.

Орифжон ЖЎРАБОЕВ,

бошқарма ТХФМ бош мутахассиси.