Наманган шаҳар тиббиёт бирлашмасига қарашли кўп тармоқли марказий поликлиника, вилоят тери-таносил касалликлари ва вилоят эндокринология диспансерларининг мутахассислари - Муслима Ибрагимова, Неля Богдасарова, Гулмира Пўлатова ҳамда офтальмолог, педиатр ва ҳамширалардан ташкил этилган бригада Наманган давлат университетида бўлиб, талабалар саломатлигига эътибор қаратишди. Улар соғлиги тиббий текширувлар орқали ўрганилиб, керакли маслаҳатлар беришди.
Шунингдек, Наманган муҳандислик-қурилиш ва муҳандислик- технология институтларида ҳам талабалар тиббий кўриги уюшқоқлик билан ташкилланди.
Суратда: НамДУнинг ижтимоий-иқтисодий факультети талабалари тиббий кўрикдан ўтказилаётган пайти.
Рустамали МАМАДАЛИЕВ.
