Президентимиз маънавий камолот шарти бўлган китобхонликни ривожлантиришга алоҳида эътибор қаратмоқда. Бу борадаги ғамхўрликлар ифодаси сифатида Давлатобод туманида қад ростлаган Янги Ўзбекистон – ёшлар зиё маскани, айниқса, ёшларнинг севимли даргоҳига айланган. Янги давр илмгоҳидаги ажиб маърифий муҳит, сокин фаввора, ранг-баранг гуллар, ям-яшил буталар уларни ўзига чорлагани-чорлаган.

– Биз устозимиз Нилуфар Валиева бошчилигида Тўрақўрғон туманидаги 1-ўрта умумтаълим мактабидан келдик, – дейди 5-синф ўқувчиси Шоҳмурод Ҳамиджонов. – Бу ердаги Вook-caf?, Coworking Zoneнинг "Speaking Club", "Volunteers Team" каби илмий ва ижодий тўгаракларига жуда ҳам қизиқиб қолдик. Энди оналаримиз, бобо-бувиларимиз билан тез-тез келиб туришга қарор қилдик.

Зиёхона 70 мингдан ортиқ китоб фондига эга. Уларнинг 10 минг нусхаси Оксфорд университети туҳфа этган тиббиётга оид асарлардир. Шунингдек, Wi-Fi ва компьютер хонаси, QR-кодли китоблар, электрон кутубхона каби замонавий технологияли имконият бугунги ўғил-қизлар маънавий эҳтиёжини тўла қондиришга қодир.

Устозлар ташаббуси билан ўқувчиларнинг мазкур масканга ташрифлари уюштирилиши уларни дунёда авж олган инсон қалби ва онги учун ахборот хуружи таҳдидидан асрашга хизмат қилади.

Висола МУҚИМОВА,

Исҳоқхон Ибрат номли Наманган давлат

чет тиллар институти талабаси.