Фуқаронинг фамилияси, исми, отасининг номини ўзгартириш Фуқаролик ҳолати далолатномаларини қайд этиш Қоидаларига мувофиқ амалга оширилади.
Агар 16 ёшга тўлган шахс фуқаролик паспорти (идентификацияловчи ID-картаси) ёки паспорт ўрнини босувчи шахсни тасдиқловчи бошқа ҳужжат олгунга қадар фамилияси, исми, ота исмини ўзгартириш ҳақида ариза берса, у ҳолда аризага туғилганлик ҳақида гувоҳнома илова қилинади.
Фамилия, исм, ота исмини ўзгартириш тўғрисидаги аризалар
Ўзбекистон Республикасининг "Давлат тили ҳақида"ги Қонуни
15-моддасига мувофиқ;
суднинг ҳал қилув қарори асосида;
агар фамилия ва исм эшитилишда ёқимсиз бўлса;
агар фамилия ва исм миллатига тўғри келмаса;
хоҳишига қараб никоҳгача бўлган фамилияга (никоҳда турган даврида ҳам, никоҳдан ажратилгандан кейин ҳам) қайтишда;
оила учун умумий фамилияда бўлиш истаги пайдо бўлганда (агар никоҳ тузиш пайтида эр-хотин умумий фамилия қабул қилишмаган бўлса;
болаларнинг ота ёки она билан бир хил фамилияда бўлиш, онасининг никоҳгача бўлган фамилиясида бўлиш, ўгай отанинг ёки васийсининг фамилиясида бўлиш истаги пайдо бўлганда;
16 ёшга тўлган шахсга оталикни белгилашда кўриб чиқилади.
Фамилия, исм, ота исмини ўзгартириш тўғрисидаги аризага
ариза берувчининг туғилганлик ҳақидаги гувоҳномаси;
оилали бўлса, никоҳ гувоҳномаси, ажрашган бўлса, никоҳдан ажралганлик ҳақидаги гувоҳномаси;
агар ариза берувчининг вояга етмаган болалари бўлса, у ҳолда болаларининг туғилганлик ҳақидаги гувоҳномалари;
ариза берувчининг фуқаролик паспорти (идентификацияловчи ID-картаси) ёки шахсини тасдиқловчи бошқа ҳужжатидан кўчирма;
агар ариза берувчи вояга етмаган ёки суд қарори билан муомалага лаёқатсиз деб топилган бўлса, у ҳолда ота-онасининг ёхуд васий ёки ҳомийнинг аризаси;
1 дона (3х4 ўлчамли) фотосурат илова қилинади.
Фамилия, исм ва ота исмини ўзгартирганлик учун белгиланган тартибда давлат божи ундирилади.
Ўзбекистон Республикаси адлия вазирининг 17.12.2022 йилдаги 29-мҳ-сонли буйруғи билан билан тасдиқланган "Фуқаролик ҳолати далолатномаларини ёзиш органларида иш юритиш тўғрисида"ги Йўриқнома талабларига асосан "Фамилия, исм, ота исми ўзгартирилган шахс иккинчи марта ФҲДЁ органига мазкур масалада бир йил ўтгандан сўнг мурожаат этиши мумкин".
Дилфуза ЗАЙНИТДИНОВА,
Тўрақўрғон тумани
ФҲДЁ бўлими мудираси.
