Вилоят  кўп тармоқли тиббиёт марказининг ходимлари умумхалқ ҳашарида ғоят фаоллик кўрсатишди. Улар эрта тонгдан шифохона ҳудудини супуриб-сидиришди, тозалашди, дарахтлар танасини оқлашга астойдил киришишди. Шунингдек, ҳар бир бўлим вакиллари ўз майдончаларини манзарали  ва чиройли гул кўчатлари билан янада бойитишди. Айниқса, кўз касалликлари бўлими ходимлари томонидан  турли рангларда очиладиган гул кўчатлари экилди.