Мустақилликнинг илк кунларидан бошлаб мамлакатимизда аҳоли саломатлигини муҳофаза қилиш масаласи давлатимиз ижтимоий сиёсатида марказий ўринни эгаллаб келмоқда. Меъёрий-хуқуқий негизларни такомиллаштириш мақсадида, соғлиқни сақлаш соҳасига оид 15 та Қонун қабул қилинди. 2011 йил 5 октябрда қабул қилинган "Алкоголь ва тамаки маҳсулотларининг тарқатилиши ҳамда истеъмол қилинишини чеклаш тўғрисида"ги Ўзбекистон Республикаси Қонуни аҳоли саломатлигини муҳофаза қилишда муҳим қадам бўлди.
Мазкур қонуннинг 13-моддасида таъкидланишича, алкоголь ва тамаки маҳсулотларини:
- йигирма ёшга тўлмаган шахсларга;
- таълим, спорт муассасалари ва диний муассасалардан беш юз метрдан кам радиусда жойлашган савдо объектлари томонидан;
- улар техник жиҳатдан тартибга солиш соҳасидаги норматив ҳужжатларга, қонун ҳужжатларида белгиланган бошқа талабларга мувофиқ бўлмаса;
- улар ишлаб чиқариш учун лицензияга эга бўлмаган Ўзбекистон Республикаси ишлаб чикарувчиси томонидан ишлаб чиқарилган бўлса;
- улар етказиб бериш ҳуқуқига эга бўлмаган ёки етказиб беришни қонун хужжатларини бузган ҳолда амалга оширган маҳсулот етказиб берувчидан олинган бўлса, реализация қилиш мумкин эмас.
Шунингдек, мазкур қонуннинг 19-моддасида иш жойларида, соғлиқни сақлаш, таълим муассасалари, кўчалар, стадионлар, хиёбонлар, истироҳат боғларида, жамоат транспортининг барча турларида ва бошқа жамоат жойларида тамаки маҳсулотларини истеъмол қилишга йўл қўйилмаслиги қатъий белгилаб қўйилган.
Жамолхон ШЕРАЛИЕВ,
вилоят наркология диспансери олий тоифали нарколог врачи.
Ҳамидулло АЪЗАМОВ,
диспансер услубчиси.