6 ойликдан қўшимча овқатлар бериш мумкин. Бунгача нон, печенье, мол сути ёки уни қўшиб тайёрланадиган бўтқаларни берманг. Чақалоққа чайнаб ҳар хил овқатларни едириш мумкин эмас. Ҳатто нон ва печеньеларни тутқазиб қўйиш ҳам ярамайди.
Ёғсизлантирилган мол сутини 9 - 10 ойликдан, печеньеларни 1 ёшдан берса бўлади, унда ҳам бир маҳал. 4 - 5 маҳал бўтқа, печенье ва нонлар едирилса, бола камқонлик, рахит, витамин етишмовчилигига чалиниши мумкин.
Она эмизикли даврида тўйиб овқатланиши, гўшт, сут маҳсулотлари, мева ва сабзавотларни ҳар куни истеъмол қилиши лозим. 6 ойлик чақалоққа қўшимча овқатлар босқичма-босқич, бериб борилади. Пиёла, қошиқчада, шахсий гигиенага риоя қилган ҳолда эрталабки соат 6 да она сути, 8 дан 9 гача гурунчли ёки гречкали бўтқа, 12 дан 13 гача мева шарбати 10 - 30 - 40 граммгача, сабзавотли пюре, 20 грамдан 100 граммгача, соат 16 да қатиқ 20 граммдан 50 грамгача, тухумнинг 1/4 қисми 19 да ва яна она сути.
7 ойликдан қўшимча овқатлардан гўштли бульон ва 8-9 ойликдан гўштли пюре тушликда берилиши фойдали.
Дилфуза ҚОРАБОЕВА,
Наманган шаҳар 5-оила поликлиникаси врачи.