"Абдулло Аҳрор медсервис" хусусий корхонаси раҳбари Аъзамбек Қозоқов тажрибали шифокорлардан. У Янгичек МФЙнинг Миртемир кўчасидаги ўн сотих ер майдонида уч қават, 60 ўринли кўп тармоқли шифохона биносини қуриб, фойдаланишга топширди.

Миллий банкнинг Уйчи филиалидан олинган 400 миллион сўм имтиёзли кредит ва ўз ҳисобидан қад ростлаган бинода 20 та иш ўрни ҳам яратилди.

Замонавий шароитларга эга шифохонада терапевтик, кардиологик, лор, гинекологик, асаб касалликлари даволанади. ЭКГ, лаборатория бўлими мавжуд. Умумий, клиник, биохимик таҳлиллар шу ернинг ўзида бажарилади. Икки кишилик ёруғ ва шинам хоналар барча қулайликларга эга. Беморларга 4 маҳал иссиқ овқат берилади. 5 кВтли қуёш панели ўрнатилган бўлиб, электр узлуксизлигини таъминлайди.