Варикоз билан кўпроқ чап оёқ зарарланади. Касалликнинг кечиши летентфаза, компенсация, супкоенкация ва декомпенсация босқичларидан иборат бўлади. Компенсация босқичида беморлар тик турганда кўзга ташланадиган ва эгри-бугри тугунлар, бўртиб чиққан чигаллар кўринишидаги кенгайган веналар борлигидан шикоят қилишади. Оёқнинг оғирлиги, тўлалиги, вертикал ҳолатда чарчаб қолишидан озор чекишади. Оёқда шишлар бўлмаслиги ёки кечга яқин пайдо бўлиши ва дам олгач йўқолиши мумкин.

Субкомпенсация босқичида эса оёқ тез чарчайди, шишинқираш, оғирлашиш мушаклар тортишуви, териси қичиши, парестезия, болдир ва оёқ панжаларида шиш юзаланади. Тунги дамдан сўнг эрталабга бориб йўқолади. Ички тўпиқ соҳасида цианоз ва тери пигментацияси пайдо бўлади.

Декомпенсация босқичида доимий оғриқ, увишиб қолиш, қичишиш рўй беради. Болдир йўғонлашади. Тунги уйқудан кейин ҳам шиш йўқолмайди. Касаллик трофик яралар, варикоз веналардан қон кетиши ва тромбофлебитлар, иккиламчи лимфодема, экзема каби асоратларни келтириб чиқаради.

Даволаш қуйидагича амалга оширилади:

- Консерватив даво яъни, мазь суртиш, эластик бинтлаш, даво физкультураси , узоқ тик турмаслик, оғир иш қилмаслик, қон томир препаратлари олиш;

- склерозлайдиган даво касалликнинг бошланғич даврида қўлланилади. кенгайган веналарни айрим тугунлари ёки қисмларини облитерация қилиш учун варикоз кенгайган вена ичига склерозлайдиган эритмалар инекьция қилинади. Хирургик даво касалликнинг даволашни радикал усули ҳисобланади.

Варикоз касаллиги муолажалари самарали натижа бериши учун албатта мутахассисга кечикмай мурожаат этиш зарур. Ана ўшанда озордан тез қутиласиз.

Ҳакимжон МАДРАҲИМОВ,

Наманган шаҳридаги, 5-оила

поликлиникаси олий тоифали жарроҳи.